ହାଇଦ୍ରାବାଦ: ପିରିୟଡ ଡ୍ରାମା ଚଳଚ୍ଚିତ୍ରର ନିର୍ଦ୍ଦେଶନା ପାଇଁ ଜଣାଶୁଣା ସଞ୍ଜୟ ଲୀଲା ବଂଶାଲୀ ବର୍ତ୍ତମାନ ୱେବ ସିରିଜ ସହ ଓଟିଟିରେ ଡେବ୍ୟୁ କରିଛନ୍ତି । ତାଙ୍କ ପ୍ରଥମ ଧାରାବାହିକ 'ହୀରାମଣ୍ଡି: ଡାଇମଣ୍ଡ ବଜାର' ନେଇ ଫେରିଛନ୍ତି ନିର୍ଦ୍ଦେଶକ । ଯାହା ଗତକାଲି (ଏପ୍ରିଲ ୧)ରେ ନେଟଫ୍ଲିକ୍ସରେ ରିଲିଜ ହୋଇଛି । ଏହାର ପ୍ରିମିୟର୍ ପର ଠାରୁ ଏହି ସିରିଜ୍କୁ ଅପେକ୍ଷା କରିଥିବା ଦର୍ଶକମାନେ ଏହାକୁ ଉପଭୋଗ କରୁଛନ୍ତି ଏବଂ ଫିଲ୍ମର ଖୁବ ପ୍ରଶଂସା କରିଛନ୍ତି ।
ହୀରାମଣ୍ଡି ସିରିଜଟି ୮ଟି ଏପିସୋଡର ହୋଇଥିବା ବେଳେ ଏହା ସଞ୍ଜୟ ଲୀଲାଙ୍କ ପାଇଁ ତାଙ୍କ 18 ବର୍ଷର ସ୍ୱପ୍ନ ଅଟେ । ଯାହା ଓଟିଟିରେ ୧୪ଟି ଭାଷାରେ ମୁକ୍ତିଲାଭ କରିଛି । ଏହି ଫିଲ୍ମରେ ମଲ୍ଟି ଷ୍ଟାରଙ୍କୁ ଦେଖିବାକୁ ମିଳିଛି । ମନୀଷା କୋରେଲା, ଆଦିତି ରାଓ ହାଇଦରୀ, ସୋନାକ୍ଷୀ ସିହ୍ନା, ସଞ୍ଜୀଦା ଶେଖ, ଶର୍ମିନ୍ ସେହଗଲ୍, ରିଚା ଚଡ୍ଡା, ତାହ ଶାହା, ଜାସନ୍ ଶାହା, ଫରଦ୍ଦିନ ଖାନ, ଅଧ୍ୟୟନ ସୁମନ ଏବଂ ଶେଖର ସୁମନଙ୍କ ଭଳି ଅନେକ ତାରକା ଏହି ସିରିଜରେ ଅଭିନୟ କରିଛନ୍ତି । ଏହା ଏପରି ଏକ କାହାଣୀ ଯାହା ନିଶ୍ଚିତ ଭାବରେ କାଳ୍ପନିକ କିନ୍ତୁ ସ୍ୱାଧୀନତା ସଂଗ୍ରାମରେ ସୌଜନ୍ୟମୂଳକ ବ୍ୟକ୍ତିମାନେ କିପରି ସହଯୋଗ କରିଥିଲେ ତାହା ଦର୍ଶାଇଛି । ତେବେ ଏହାକୁ ବେଶ ପସନ୍ଦ କରିଛନ୍ତି ଦର୍ଶକ ।
ଏକ୍ସରେ 'ହୀରାମଣ୍ଡି: ଡାଇମଣ୍ଡ ବଜାର' ଦେଖିବା ପରେ ପ୍ରତିକ୍ରିୟା ଦେଇଛନ୍ତି । ଜଣେ ୟୁଜର୍ସ ଲେଖିଛନ୍ତି, 'ସଞ୍ଜୟ ଲୀଲା ବଂଶାଲୀଙ୍କ ହୀରାମଣ୍ଡି ଏକ ମାଷ୍ଟରପିସ । ଅନ୍ୟ ଜଣେ ଲେଖିଛନ୍ତି, 'ହୀରାମଣ୍ଡି ମନ୍ତ୍ରମୁଗ୍ଧ କରିଦେଉଛି, ଏହା ଇତିହାସର ଅବିସ୍ମରଣୀୟ ହିରୋମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରେ । ମନୀଷା କୋରେଲା ଏବଂ ଆଦିତି ରାଓ ବେଶ ଆକୃଷ୍ଟ କରୁଛନ୍ତି । ଅନ୍ୟ ଜଣେ ଲେଖିଛନ୍ତି, 'ମନୀଷା କୋରେଲାଙ୍କୁ ଏତେ ଦିନ ପରେ ତୁମକୁ ଦେଖି ଖୁସି । ଅଭିନୟର ଏକ ଉତ୍କୃଷ୍ଟ ଉଦାହରଣ ।