नागपूर Devendra Fadnavis : नागपूरहून अयोध्येला जाताना फडणवीस यांनी स्वतःचा फोटो 'एक्स'वर पोस्ट केला आहे. हा फोटो पोस्ट करून देवेंद्र फडणवीस यांनी अयोध्येत कारसेवेला गेल्याचा थेट पुरावा दिला आहे. या फोटोवर ठाकरे गटाचे नेते खासदार संजय राऊत यांनी उत्तर दिलं आहे. त्यावर उपमुख्यमंत्री देवेंद्र फडणवीस यांनी 'मी' मूर्ख लोकांना उत्तर देत नाही, अशा शब्दात राऊतांवर टीकास्त्र सोडलंय. 'मी' माझ्या आनंदासाठी कारसेवेचा फोटो पोस्ट केला आहे, असं फडणवीस यांनी म्हटलंय. ते रविवारी नागपुरात बोलत होते.
त्यावेळची परिस्थिती पुन्हा आठवली : नागपुरातून प्रकाशित होणाऱ्या एका वृत्तपत्रानं मला कारसेवेला जात असतानाचा फोटो पाठवला. मी कारसेवेला जात असताना, छायाचित्रकारानं माझा फोटो काढला होता. त्यांनी आज तो मला पाठवला, म्हणून मी त्याचे आभार मानण्यासाठी तो फोटो पोस्ट केला. मला त्यावेळची परिस्थिती पुन्हा आठवली. त्या आनंदात मी तो फोटो पोस्ट केला. त्यामुळं मी पोस्ट केलेला फोटो कोणालाच उत्तर देण्यासाठी नाही, असे मला वाटतं. मी उत्तर देण्याच्या फंदात पडत नाही, असं देवेंद्र फडणवीस यांनी म्हटलं आहे.