मुंबई- दिग्दर्शक नाग अश्विन यांनी अलीकडेच एका कार्यक्रमात त्यांचा आगामी चित्रपट 'कल्की 2898 एडी' आणि 'ड्युन' या दोन चित्रपटांची तुलना सांगितली. 'कल्की' मध्ये प्रभास, दीपिका पदुकोण, अमिताभ बच्चन आणि कमल हासन यांच्या भूमिका आहेत. यामुळे या चित्रपटाबद्दलची मोठी उत्सुकता निर्माण झाली आहे.
मात्र, काहींनी व्हीएफएक्स समिटमध्ये प्रश्न विचारून 'ड्युन'शी साम्य असल्याचं सांगितलं. कार्यक्रमादरम्यान, एका विद्यार्थ्याने साम्य दाखवून सांगितले की, "प्रोजेक्ट के हा हॉलिवूड चित्रपट ड्यूनसारखा दिसतो." नाग अश्विनने विनोदीपणे प्रतिसाद देताना म्हटलं, "हे वाळूमुळे आहे. जेव्हाही वाळू असेल, तेव्हा ती ढिगारासारखी दिसेल."
नुकतेच, जेव्हा नवीन पोस्टर रिलीज झाले तेव्हा चाहत्यांच्या लक्षात आले की दीपिकाचे 'ड्युन'मधील झेंडयाच्या पात्राशी साम्य आहे. या निरीक्षणाने ऑनलाइन चर्चेला सुरुवात झाली. एका चाहत्याने गंमतीने "कल्की पोस्टरमधील दीपिकाचे झेंड्याफिकेशन" असा उल्लेख केला.
'कल्की 2898 एडी' हा चित्रपट आधी 9 मे रोजी रिलीज होणार होता. त्यानंतर 13 मे रोजी तेलंगणामध्ये लोकसभा आणि आंध्र प्रदेशमध्ये लोकसभासह विधानसभाच्या निवडणुका असल्यामुळे चित्रपटाचा प्रीमियर 27 जून रोजी शेड्यूल करण्यात आला. निवडणुकीच्या तारखा मार्चपासून माहिती असूनही, नवीन रिलीज तारखेची घोषणा एप्रिलमध्येच झाली.