मुंबई - Mast Malang Jhoom song out : अक्षय कुमार आणि टायगर श्रॉफ स्टारर 'बडे मियाँ छोटे मियाँ' चित्रपट सध्या खूप चर्चेत आहे. आता या चित्रपटामधील 'मस्त मलंग झूम' गाणं रिलीज करण्यात आलं आहे. या गाण्यात अक्षय कुमार आणि टायगर सूट आणि बूटमध्ये डान्स करताना दिसत आहेत. याशिवाय या गाण्यात सोनाक्षी सिन्हा देखील दिसत आहे. या पार्टी थीम साँगमध्ये तिन्ही कलाकार जबरदस्त डान्स मूव्ह करत आहे. 'बडे मियाँ छोटे मियाँ' मधील 'मस्त मलंग झूम' गाणं इंटरनेटवर लोकप्रिय झालं आहे. या चित्रपटामध्ये अक्षय आणि टायगर थरारक स्टंट करताना दिसणार आहेत.
'मस्त मलंग झूम' गाणं : 'मस्त मलंग झूम' गाणं 2.31 मिनिटांचं आहे. या गाण्याला विशाल मिश्रा, अरिजित सिंग आणि निकिता गांधी यांनी गायलं आहे. 'मस्त मलंग झूम' गाण्याचे संगीतकार विशाल मिश्रा आहेत. इर्शाद कामिल यांनी या गाण्याचे बोल लिहिले आहेत. दरम्यान या चित्रपटाच्या स्टार कास्टबद्दल बोलायचं झालं तर, 'बडे मियाँ छोटे मियाँ'मध्ये अक्षय कुमार आणि टायगर श्रॉफव्यतिरिक्त पृथ्वीराज सुकुमारन, सोनाक्षी सिन्हा, अलाया एफ महत्त्वाच्या भूमिकेत आहेत. 27 फेब्रुवारीला अक्षय कुमार आणि टायगर श्रॉफनं त्यांच्या अधिकृत इंस्टाग्रामवर 'मस्त मलंग झूम'चा टीझर शेअर केला होता. या ॲक्शन जोडीनं त्यांच्या पोस्टच्या कॅप्शनमध्ये लिहिलं होतं की, 'तुम्ही ॲक्शन पाहिली आहे. तुम्ही ब्रोमान्स पाहिला आहे. आता आम्हाला नृत्य पाहा. 'मस्त मलंग झूम'चा टीझर आता रिलीज झाला आहे. गाणं उद्या येईल.''