मुंबई - Nysa Devgan birthday : बॉलिवूडचे लोकप्रिय जोडपं काजोल आणि अजय देवगण यांच्यासाठी आजचा दिवस खास आहे. त्यांची मुलगी न्यासा देवगण हिचा शनिवारी 21 वा वाढदिवस आहे. आपली अभिनय कारकिर्द सांभाळून मुलांसाठी पूर्णवेळ आईच्या भूमिकेत काजोल नेहमी वावरत असते.
एक समर्पित आई आणि हिंदी चित्रपटसृष्टीतील उत्कृष्ट अभिनेत्री म्हणून ती सोशल मीडियावर तिच्या आयुष्याची आणि मुलांची झलक शेअर करत असते. ही प्रथा कायम राखत तिनं मुलीच्या वाढदिवसानिमित्त खास पोस्ट केली आहे. 19 एप्रिल रोजी काजोलनं तिच्या मुलीसाठी वाढदिवसापूर्वी शुभेच्छा शेअर केल्या आणि 20 एप्रिल रोजी तिनं न्यासाचे पूर्वी कधीही न पाहिलेले फोटो शेअर केलेत.
पहिल्या फोटोमध्ये न्यासा जमिनीवर पडलेली दिसत असून तिच्या पोटावर पप्पी दिसत आहे. दुसऱ्या फोटोत ती सोनेरी लेहेंग्यात सुंदर दिसत आहे. यामध्ये ती झुल्यात बसून कॅमेऱ्यासाठी पोज देताना दिसतेय. वाढदिवसाच्या पोस्टमधील शेवटच्या फोटोत ती एका पिल्लासोबत खेळताना दिसते आणि तिच्या चेहऱ्यावर एक सुंदर भाव आहेत. काजोलने फोटो शेअर केले आणि कमेंटमध्ये न्यासाला आयुष्यभर सदैवी आनंदी राहण्यासाठी आशीर्वाद दिला आहे.