മുഖ്യമന്ത്രി മാധ്യമങ്ങളോട്
കണ്ണൂര്‍:ബിജെപി നേതാവ് പ്രകാശ് ജാവദേക്കറും ഇടത് മുന്നണി കണ്‍വീനര്‍ ഇപി ജയരാജനും കൂടിക്കാഴ്‌ച നടത്തിയ സംഭവത്തില്‍ പ്രതികരണവുമായി മുഖ്യമന്ത്രി പിണറായി വിജയൻ. കൂട്ടുകെട്ടുകളില്‍ ജയരാജൻ ജാഗ്രത പാലിക്കണമെന്ന് മുഖ്യമന്ത്രി പറഞ്ഞു. വോട്ട് ചെയ്‌ത ശേഷം മാധ്യമപ്രവര്‍ത്തകരോട് സംസാരിക്കുമ്പോഴായിരുന്നു വിഷയത്തില്‍ മുഖ്യമന്ത്രിയുടെ പ്രതികരണം.
ഇപി ജയരാജന്‍റെ പ്രകൃതം എല്ലാവര്‍ക്കും അറിയാമല്ലോ. എല്ലാ ആളുകളുമായും സുഹൃദ്‌ബന്ധം വയ്‌ക്കുന്ന വ്യക്തിയാണ് ജയരാജൻ. സാധാരണ നമ്മുടെ നാട്ടില്‍ ഒരു പഴഞ്ചൊല്ല് ഉണ്ടല്ലോ? പാപിയുടെ കൂടെ ശിവൻ കൂടിയാൽ ശിവനും പാപിയായിടും, ഈ കൂട്ടുകെട്ടില്‍ എപ്പോഴും ശ്രദ്ധിക്കേണ്ടതുണ്ട്.