यवतमाळमध्ये धक्कादायक घटना, शासकीय रुग्णालयातून मृतदेहच गहाळ

यवतमाळ येथिल शासकीय रुग्णालयातुन मृतदेहच गहाळ झाल्याचा प्रकार घडला आहे. याप्रकरणी मृताच्या नातेवाईकांनी यवतमाळ शहर पोलिसात गुन्हा दाखल केला आहे.

यवतमाळ - येथील शासकीय रुग्णालयात कोरोनाबाधीतांच्या मृत्यूचे तांडव सूरू आहे. दररोज 30 पेक्षा जास्त मृत्यू होत असून, आता मृतदेह गहाळ होण्याचे प्रकार पुढे येत आहे. असचा काहीसा प्रकार शासकीय रुग्णालयात घडला असून, याप्रकरणी मृताच्या नातेवाईकांनी यवतमाळ शहर पोलिसात गुन्हा दाखल केला आहे.

मृतदेहच गाहाळमृतक रोशन याला ऊन लागल्यामुळे त्याची अचानक प्रकृती बिघडली होती. त्यामुळे त्याला त्याची आई व त्याचा लहान भाऊ संदिप यांनी नेर येथिल शासकीय रुग्णालयात प्राथमिक उपचारासाठी नेले होते. त्यानंतर त्याला जिल्हा शासकीय रुग्णालयात भरती करण्यात आले. सायंकाळी 5 वाजाताच्या सुमारास रोशनचा फिवर ओपीडी येथे उपचार सुरु होता. मात्र डॉक्टरांनी पुन्हा अपघात विभाग क्र. 33 येथे नेण्यास सांगितले व कुटूंबीयांना बाहेर पाठवले. मात्र रात्रीच्या आठ वाजताच्या सुमारास रोशनाचा मृत्यू झाल्याचे डॉक्टरांनी सांगितले. रोशनचे शव वार्ड नंबर 25 मध्ये फिर्यादीसह त्याच्या नातेवाईकांनी पाहिले. मृताचे नातेवाईक दुसऱ्या दिवशी सकाळी अंत्यविधीसाठी शव घेण्यासाठी गेले असता, रोशनचा मृतदेह गाहाळ असल्याचा प्रकार उघडकीस आला.

यवतमाळ शहर पोलिसात तक्रार दाखल

दरम्यान पिडीत कुटूंबियांनी याबाबत ओपीडी तसेच इतर डॉक्टर कर्मचाऱ्यांकडे चौकशी केली. मात्र प्रत्येकाडून विरोधाभासी उत्तरे मिळाली. रात्री उशारीपर्यत मृतदेह शोधण्यासाठी कुटूंबीयांनी प्रयत्न केले. त्यानंतर 22 एप्रिलला पुन्हा शवविच्छेदन गृहात मृतदेहाचा शोध घेतला, मात्र सांयकाळपर्यत शोध लागला नाही. त्यावरुन रुग्णालयातील संबंधीत अधिकाऱ्यांवर याप्रकरणी यवतमाळ शहर पोलिसांनी गुन्हा दाखल केला आहे.

हेही वाचा -राज्यातील सर्व रुग्णालयांचे होणार ‘फायर’ आणि ‘ऑक्सिजन ऑडिट’; मुख्य सचिवांचे निर्देश