यवतमाळ - विनाअनुदानित शिक्षकांच्या मागील वीस वर्षांपासून मागण्या पूर्ण झाल्या नाहीत. यातीलच एक शिक्षक उपेंद्र पाटील यांनी मागण्या पूर्ण होण्यासाठी अमरावती शिक्षक मतदारसंघात उमेदवारी अर्ज दाखल केला. तोही, अर्धनग्न अवस्थेत त्यांनी उमेदवारी अर्ज दाखल केला होता. आज यवतमाळ येथील मतदान केंद्रावर ते शर्ट न घालता मतदानाचा हक्क बजावण्यासाठी आले. तसेच निवडून आल्यानंतर विनाअनुदानित शिक्षकांच्या मागण्या, जुनी पेन्शन योजना, यासाठी सभागृहात आवाज उठवणार असल्याचे त्यांनी सांगितले. या अपक्ष उपेंद्र पाटील उमेदवाराची मतदान केंद्रावर सर्वत्र चर्चा होती.
शिक्षकांच्या मागण्यासाठी रिंगणात 'अर्धनग्न उमेदवार' ; मतदान केंद्रावर वेधले लक्ष एकोणीस दिवसांपासून अर्धनग्नवाशिम जिल्ह्यात मानोरा तालुक्यातील कार्ली येथील माधव पाटील विद्यालयात मुख्याध्यापक असलेले उपेंद्र पाटील कायम विनाअनुदानित शाळेवर शारीरिक शिक्षक म्हणून कार्यरत आहेत. विनाअनुदानित शाळेतील शिक्षक मागील वीस वर्षांपासून अनुदानासाठी लढा देत आहेत. शासनाने केवळ 20 टक्के अनुदान मंजूर केले आहे. गेल्या दोन दशकांपासून हा लढा पूर्णत्वास नेण्यासाठी त्यांनी अमरावती शिक्षक मतदारसंघात उमेदवारी दाखल केली. मागील एकोणीस दिवसांपासून ते मतदारसंघातील पाचही जिल्ह्यात अर्धनग्न फिरत आहेत. तसेच लग्नसमारंभ व इतर कार्यक्रमातही ते असेच वावरत आहेत. शिक्षकांच्या मागण्यासाठी रिंगणात 'अर्धनग्न उमेदवार' ; मतदान केंद्रावर वेधले लक्ष 20 टक्के अनुदानावर फक्त वीस टक्केच कपडे घालणार शासनाने कायम विनाअनुदानित शाळांना शंभर टक्के अनुदान देण्याचे पत्र काढले. याला पाच वर्षाचा कालावधी लोटला. प्रत्यक्षात मात्र 20 टक्केच अनुदान देण्यात आले. त्यामुळे 20 टक्के अनुदानात पूर्ण कपडे घालण्याच्या लायक शासनाने आम्हाला ठेवले नाही, असे ते म्हणाले. यामुळे 'जेवढे टक्के अनुदान; तेवढेच टक्के कपडे', हे माझे धोरण असल्याचे त्यांनी सांगितले. त्यामुळे निवडून आल्यानंतही शंभर टक्के अनुदान मिळेपर्यंत सभागृहात पूर्ण कपडे घालणार नसल्याचा निर्धार पाटील यांनी केला आहे.
यवतमाळ येथील मतदान केंद्रावर उपेंद्र पाटील शर्ट न घालता मतदानाचा हक्क बजावण्यासाठी आले.
