ठाणे : शेजाऱ्यांनी पोलिसांना सांगितले की, साने हा गेल्या काही दिवसांपासून भटक्या कुत्र्यांना खायला घालत होता. जे यापूर्वी त्याने कधीही केले नव्हते. या गुन्ह्यामागचा हेतू अद्याप समजू शकलेला नाही, असे नया नगर पोलीस ठाण्यातील अधिकाऱ्याने सांगितले. पीडित सरस्वती वैद्य (३६) ही रेशन दुकानात काम करणाऱ्या सानेसोबत 'लिव्ह इन रिलेशनशिप'मध्ये होती. ती मागील तीन वर्षांपासून मीरा रोड पूर्व येथील गीता आकाशद्वीप इमारतीच्या सातव्या मजल्यावरील एका फ्लॅटमध्ये राहत होती.
गडबड वाटल्याने पोलिसांना फोन : पोलीस अधिकाऱ्याने सांगितले की, बुधवारी साने यांच्या फ्लॅटमधून एका शेजाऱ्याला दुर्गंधी येत होती. त्याला दुर्गंधीबाबत विचारले असता तो घाबरलेला दिसला. त्यानंतर तो काळ्या रंगाची सॅक घेऊन बाहेर पडला आणि त्याने रात्री 10.30 वाजेपर्यंत परत येणार असल्याचे शेजाऱ्याला सांगितले. मात्र, शेजाऱ्यांना काहीतरी गडबड वाटल्याने त्यांनी पोलिसांना याची माहिती दिली. सानेच्या फ्लॅटच्या आतून कोणताही प्रतिसाद न मिळाल्याने पोलिसांनी दरवाजा तोडला तेव्हा फ्लॅटमधून असह्य वास येत होता, असे अधिकाऱ्याने सांगितले. बेडरूममध्ये त्यांना प्लास्टिकची पिशवी आणि रक्ताने माखलेली करवत आढळून आली; पण पोलीस जेव्हा स्वयंपाकघरात घुसले तेव्हा ते थक्क झाले.