सोलापूर - सोलापूर जिल्ह्यातील करमाळा तालुक्यातील शेटफळ नागोबा गावात धक्कादायक घटना घडली आहे. एका इस्त्री दुकानदाराला चौघांनी मारहाण ( Shopkeeper assaulted ) केल्याची धक्कादायक घटना घडली आहे. या मारहाणीचा व्हिडीओ सोशल मीडियावर व्हायरल ( video beating went viral on social media ) झाला आहे. इस्त्री ( ironed clothes ) करायला आलेल्या चार जणांना दुकानदाराने आपली थकीत उधारी मागितल्यानं या चौघांनी दुकानदाराला लोखंडी गजाने मारहाण केली. दरम्यान याप्रकरणी कृष्णा सोनटक्के यांनी पोलिसांत या चौघांविरोधात तक्रार दाखल केली आहे. याप्रकरणी पोलिसांनी या चौघांवर गुन्हा दाखल करुन यांना अटक केल्याचंही पोलिसांनी माहिती दिली आहे.
सोशल मीडियावर मारहाणीचा व्हिडीओ वायरल -करमाळा तालुक्यातील शेटफळ नागोबा येथे कपडे इस्त्री करून घेण्याच्या कारणावरून एका इस्त्री दुकानधारकाला चौघांनी मारहाण केली असल्याचा प्रकार घडला होता. ही क्लिप सोशल मीडियावर व्हायरल झाल्यावर पोलिसांनी तपास सुरू करून चौघांवर त्याच दिवशी म्हणजे सोमवारी गुन्हा दाखल करीत आरोपींना अटक केली. मारहाण झालेले कृष्णा महादेव सोनटके यांनी याप्रकरणात फिर्याद दिली आहे.