सिंधुदुर्ग:जिल्ह्यात खळबळजनक घटना घडली आहे. व्हर समुद्रातून मासेमारी करणारी नौका गायब झाल्याने मच्छिमार व्यावसायिकांमध्ये भीतीचे वातावरण पसरले आहे. पोलीस, कोस्टगार्ड सह सर्वच यंत्रणा आता या नौकेच्या शोधत गुंतली आहे.
Fisherman Missing: जिल्ह्यात खळबळजनक घटना घडली आहे. व्हर समुद्रातून मासेमारी fisherman missing करणारी नौका गायब झाल्याने मच्छिमार व्यावसायिकांमध्ये भीतीचे वातावरण पसरले आहे. पोलीस, कोस्टगार्ड सह सर्वच यंत्रणा आता या नौकेच्या शोधत गुंतली आहे.
सिग्नल यंत्रणा बंद होऊन ती गायब: मालवण तालुक्यातील आचरा येथील मत्स्य उद्योजक मुजफ्फर उर्फ चावल बशीर मुजावर यांची अलसभा क्रमांक आयएनडी एमएच ०४ एमएम २९२१ ही मासेमारी नौका खलाशांसह अरबी समुद्रातून बेपत्ता झाल्याची घटना घडली आहे. सोमवारी मध्यरात्री तळाशील समुद्रात मासेमारी करत असताना अचानक अलसभाची सिग्नल यंत्रणा बंद होऊन ती गायब झाली. यानंतर या नौकेचा शोध घेण्यात आला.
खलाशी बेपत्ता झाल्याची तक्रार: मात्र ती सापडू शकली नसल्याने आचरा पोलीस ठाण्यात मासेमारी नौका व खलाशी बेपत्ता झाल्याची तक्रार करण्यात आली आहे. अशी माहिती आचरा पोलीस निरीस कुलदीप पाटील यांनी दिली आहे. आचरा बंदरातून तळाशील ते देवबागच्या दिशेने अरबी समुद्रामध्ये हुक फिशिंगसाठी अलसभा ही नौका गेली होती. या नौकेवर तांडेल करीअप्पा मर्नल, पपन्ना गोशी (दोन्ही रा. कोपाळ, कर्नाटक), तर कर्फुला मिन्झ, प्रमोद किसान, राजेश मिन्झ (तिघेही रा. उडीसा) हे 5 जण होते.
मच्छिमार व्यावसायिकांमध्ये खळबळ: मध्यरात्री तळाशील ते देवबाग समुद्रात ही नौका मासेमारी करताना मुजावर यांच्या दुसऱ्या नौकेतील खलाशांना दिसून आली होती. मात्र त्यानंतर त्या नौकेवरील सिग्नल दर्शवणारे दिवे बंद झाले आणि नौका गायब झाली. नौका मालक मुजावर यांनी पोलिसात दिलेल्या तक्रारीनुसार नौका बेपत्ता असल्याची नोंद घेण्यात आली आहे. याप्रकरणी सिंधुदुर्ग पोलीस, सागरी पोलीस तसेच कोस्ट गार्ड विभागाकडून तपास सुरू आहे. खलाशांकडे असलेल्या मोबाईलद्वारे लोकेशन तपासले जात आहे. दरम्यान भर समुद्रातून नौका बेपत्ता झाल्याने मच्छिमार व्यावसायिकांमध्ये खळबळ उडाली आहे.