पुणे Pune Crime News : प्रियकर महिलेनं लग्नाचा तगादा लावल्यानं प्रियकराने खदानीत ढकलून तिचा खून केलाय. ही घटना 9 जानेवारी रोजी पुण्यातील म्हाळूंगे चाकण परिसरातील खराबवाडी येथील स्टोन क्रशरच्या खदानीत घडलीय. याप्रकरणी देवेंद्रकुमार श्यामलाल लोधी याला पोलिसांनी ताब्यात घेतलं आहे. पोलीस उपनिरीक्षक विलास गोसावी यांनी महाळुंगे एमआयडीसी पोलीस ठाण्यात तक्रार दिली.
लग्नाचा तगादा लावल्यानं खदानीत ढकलून खून : पोलिसांनी दिलेल्या माहितीनुसार, महिला आणि आरोपी देवेंद्रकुमार यांचे 2010 पासून प्रेमसंबंध होते. मृत महिलेचं 2018 मध्ये लग्न झालं. मात्र, पतीपासून घटस्फोट घेण्यासाठी ती माहेरी येऊन राहू लागली. त्यानंतर तिचं देवेंद्रकुमार याच्यासोबत पुन्हा बोलणं होऊ लागलं. दरम्यान, देवेंद्रकुमारची त्याच्या भावाच्या मेहुणीसोबत लग्नाची बोलणी सुरू झाली. ही बाब महिलेला समजल्यावर तिनं ‘लग्न करीन, तर तुझ्यासोबतच करीन, तुझ्यासोबतच राहीन,’ असा तगादा देवेंद्रकुमारकडं लावला. याला कंटाळून तिचा खून करण्याचं ठरवून देवेंद्रकुमारनं तिला बोलावून घेतलं. दुचाकीवरुन तिला खराबवाडी येथील डोंगरावर नेलं. तिथून जवळच असलेल्या स्टोन क्रशरमधील खदानीत तिला उंचावरून ढकललं. यातच तिचा मृत्यू झाला.