पिंपरी चिंचवड (पुणे) :शहरातील महिला वाहतूक पोलिसाने लाच घेतल्याचे प्रकरण निवळत असतानाच, सांगवी पोलीस ठाण्यातील सहाय्यक पोलीस उपनिरीक्षकाला लाचलुचपत प्रतिबंधक विभागाने रंगेहाथ पकडल्याचे समोर आले आहे. बंदोबस्त पुरविण्यासाठी 20 हजारांची लाच घेताना या पोलिसाला अटक करण्यात आली आहे. ही कारवाई सांगवी पोलीस ठाण्यात करण्यात आली.
शंकर एकनाथ जाधव (वय-56) असे रंगेहाथ पकडल्या गेलेल्या सहाय्यक पोलीस उपनिरीक्षकाचे नाव आहे. याबाबत 55 वर्षीय व्यक्तीने एसीबीकडे तक्रार दिली आहे.
बंदोबस्त पुरवण्यासाठी मागितली लाच..
मिळालेल्या माहितीनुसार, तक्रारदार यांना पोलीस बंदोबस्त पुरविण्यासाठी सहाय्यक पोलीस उपनिरीक्षक जाधव यांनी तक्रारदाराकडे 50 हजारांची लाच मागितली. त्यानंतर दोघांमध्ये तडजोड होऊन 20 हजार रुपये द्यायचे ठरले. तक्रारदारांनी याबाबत एसीबीकडे तक्रार केली.