लातूर - जिल्ह्यातील चाकुर तालूक्यातील चापोली येथील कामगार तात्याराव किशन भालेराव (वय 40 वर्ष ) यांचे मंगळवारी पहाटे निधन झाले. ( Father death Latur ) घरात दुःखाचा डोंगर कोसळलेला असतानाही त्यांचा मुलगा सूरज याने भालेराव याने वडीलांचा मृतदेह घरात असताना काळीज घट्ट करुन आधी दहावीचा पेपर दिला. ( son given ssc paper while father death )
नियती कुणासोबत काय खेळ खेळेल हे कुणालाच ठावूक नाही. लातूरच्या चाकूर तालुक्यातील चापोली येथील कामगार तात्याराव किशन भालेराव (४०) यांचे वयाच्या 40 व्या वर्षी निधन झाले. घरात पहाटे वडीलांचे निधन झाल्याने दुःखाचा डोंगर कोसळलेला असतानाही त्यांचा मुलगा सूरजचा त्याच दिवशी सकाळी 11 वाजता दहावीचा पहिला पेपर होता. वडिलांच्या निधनाने दुःखाचा डोंगर त्याच्यावर कोसळला असतानाही त्याने पहिल्यांदा शिक्षणाला महत्त्व दिले. वडिलांचा मृतदेह घरात ठेवून संजीवनी विद्यालयात काळीज घट्ट करुन दहावीचा मराठी विषयाचा पहिला पेपर दिला. दुपारी पेपर सुटल्यानंतर अत्यंत शोकाकूल वातावरणात पित्याच्या चितेला भडाग्नी दिला.