लातूर - निलंग्यातील बसवेश्वर नगर परिसरात वास्तव्यास असणाऱ्या एका गर्भवती महिलेस पूर्ववैमनस्यातून लाथाबुक्क्यांनी मारहाण करण्यात आली आहे. तर, अन्य एका महिलेचं डोकं फोडल्याचा प्रकार समोर आला आहे. तसेच मारहाण करणाऱ्या चौघांमध्ये एका महिलेचा देखील समावेश आहे.
निलंग्यातील बसवेश्वर नगर परिसरात वास्तव्यास असणाऱ्या एका गरोदर महिलेस पूर्ववैमनस्यातून लाथाबुक्क्यांनी मारहाण करण्यात आली आहे.
बसवेश्वर चौकात वास्तव्यास असणाऱ्या वैष्णवी वैजनाथ म्हेत्रे या आपली नणंद लता शेषराव दापके यांच्यासह घरात बसल्या होत्या. रात्री 10 च्या सुमारास भाग्यश्री नागनाथ म्हेत्रेने भाऊ नागनाथ त्र्यंबक पालकर आणि इतर अज्ञात दोन व्यक्तींसोबत घरात प्रवेश करून त्यांना पट्टायाने व लाथाबुक्क्यांनी मारहाण केली. भाग्यश्री म्हेत्रे हिने घरावर हक्क सांगत वैष्णवी राहत असलेलं घर स्वत:चं असल्याचा दावा केला.