गोंदिया- ऐन दिवाळीच्या तोंडावर गोंदिया शहरातील मध्य भागी असलेल्या गजबजेल्या गणेशनगर येथील भर दिवसा आभूषण ज्वेलर्समधून दोन चोरट्यांनी 10 लाख किंमतीचे 20 तोळे सोन्याची बॅग पळवून नेल्याची घटना आज (दि. 5 नोव्हेंबर) दुपारच्या सुमारास घडली आहे.
या घटनेमुळे शहरातील सोने-चांदी विक्री करणाऱ्या ज्वेलर्समध्ये दहशत पसरली आहे. गोंदिया शहरातील गणेशनगर परिसरात दीपक सोनी यांचे सोने-चांदीचे दुकान असून ते दुकानात आल्यानंतर सोने आणि चांदी भरलेल्या बॅग दुकानात ठेवून लघुशंकेसाठी दुकान उघडेच ठेवून शेजारी गेले. यादरम्यान, मोटारसायकलवरुन दोन अज्ञात चोरटे येवून फक्त 45 सेकंदात सोन्याची बॅग घेवून भरधाव वेगाने पसार झाले. पोलिसांनी गणेशनगर परिसरातील सर्व सीसीटीव्ही कॅमरे पाहत असून धाडसी चोरी करून पसार झालेल्या आरोपींची शोध घेत आहेत. गोंदिया शहर पोलिसांनी अज्ञात चोरट्यांविरोधात गुन्हा दाखल केला असुन चोरटीचा तपास सुरु आहे.