गडचिरोली -जिल्हातील नागरिक शनिवारपर्यंत कोरोनामुक्त जिल्हा म्हणून शांत बसले होते. मात्र, शनिवारपासून कोरोना पाझिटिव्ह रुग्ण आढळला. त्यानंतर कोरोनाबाधितांची संख्या वाढतच आहे. त्यामुळे एकीकडे कोरोना आणि दुसरीकडे नक्षलवादी कारवाया अशा दहशतीत येथील नागरिक दिवस काढत आहेत. नक्षलवाद्यांनी रेपनपल्ली पोलीस ठाण्याच्या हद्दीतील कमलापूर गावातील सीसीटीव्ही कमेऱ्यांची तोडफोड केली आणि चौकात बॅनर बांधून २२ मे रोजी जिल्हाबंदचे आवाहन केले. त्यामुळे कमलापूर नागरिकांमध्ये परिसरात दहशत पसरली आहे.
गडचिरोलीमध्ये नक्षलवाद्यांचा धुमाकूळ; कमलापूर चौकातील सीसीटीव्ही कॅमेऱ्यांची तोडफोड