धुळे उद्योगमंत्री उदय सामंत Uday Samant हे धुळे जिल्हा दौऱ्यावर होते. मंत्री सामंत यांची दुपारी 4 ते 5 वाजेच्या दरम्यान धुळे जिल्हाधिकारी कार्यालयात Dhule Collectorate Offices आढावा बैठक होती. या बैठकीपूर्वी उद्धव ठाकरे Uddhav Thackeray समर्थकांनी मंत्री उदय सामंत यांच्या विरोधात तसेच उद्धव ठाकरे यांच्याशी बेईमानी करणाऱ्या ४० आमदारांच्या विरोधात घोषणा दिल्यात आहेत. ५० खोके एकदम ओके असे लिहलेले कपडे लावून ठाकरे समर्थकांनी संताप व्यक्त केला आहे. शिवसेना जिल्हा प्रमुख अतुल सोनवणे, शरद पाटील, धीरज पाटील, यांच्या नेतृत्वात हे आंदोलन करण्यात आले आहे. धुळे शहर पोलिसांनी Dhule City Police आंदोलन करणाऱ्या या उद्धव ठाकरे समर्थकांना ताब्यात घेत नंतर सोडून दिले आहे.
सामंत यांचा ताफा अडवण्याचा प्रयत्न काही आठवड्यापूर्वीच उद्योगमंत्री उदय सामंत यांच्या गाडीवर पुण्यामध्ये कथित शिवसेना समर्थकांनी हल्ला केले होते. त्यानंतर आज पुन्हा धुळ्यामध्ये हा शिवसैनिकांनी सामंत यांचा ताफा अडवण्याचा प्रयत्न केल्याने आश्चर्य व्यक्त केले जात आहे. उदय सामंत यांच्या गाड्यांचा ताफा अडवण्याचा प्रयत्न केल्याप्रकरणी माजी आमदार शरद पाटील, शिवसेना जिल्हाप्रमुख अतुल सोनवणे, महानगर प्रमुख धीरज पाटील यांच्यासह शिवसेनेचे प्रमुख पदाधिकारी व कार्यकर्त्यांना धुळे शहर पोलिसांनी ताब्यात घेतले आहे.