चंद्रपूर - राज्याचे ऊर्जा, आदिवासी कल्याण, आपत्ती व्यवस्थापन राज्यमंत्री प्राजक्त तनपुरे हे आज आणि उद्या दोन दिवसाच्या चंद्रपूर दौऱ्यावर येत आहेत. दौऱ्यात विविध ठिकाणी भेटी देऊन शासकीय कामांचा आढावा घेणार आहेत. वेकोली प्रकल्पग्रस्तांची भेट घेऊन प्रकल्पग्रस्तांच्या समस्या तसेच वनहक्क पट्टे याविषयी चर्चा करून जनता दरबारात उपस्थित राहणार आहे. तसेच महापालिकेत देखील आढावा बैठक घेणार आहे. राज्यमंत्री प्राजक्त तनपूरे यांचा दौरा कार्यक्रम पुढीलप्रमाणे -
१९ फेब्रुवारी
सकाळी ८ ते ९ वाजेपर्यंत विविध विभागांच्या शासकीय बैठका
सकाळी ९ ते १० जिल्ह्यातील पक्ष कार्यकर्त्यांच्या भेटीसाठी राखीव
सकाळी १०.१५. ते १२ महापालिका चंद्रपूर येथे बैठक
दु. १२.३० ते १.३० शिनाळा (ता.चंद्रपूर) येथील परिसरातील वेकोली प्रकल्पग्रस्त तथा वनहक्क पट्टे, जबरानजोत शेतकऱ्यांच्या प्रश्नांवर आयोजित "जनता दरबारास" उपस्थिती
दु.२.वा.बल्लारपूर कडे रवाना
दु २.२० ते ३ बल्लारपूर शहर व तालुक्यातील कार्यकर्त्यांसोबत बैठक
दु.३ वाजता जिवतीकडे रवाना
दु. ४ ते ५ जिवती तालुक्यातील "कुरसंगी गुडा" या गावाला विद्युत पुरवठा सुरू करण्याच्या उद्घाटन कार्यक्रमास उपस्थिती