बुलडाणा -देशात डॉ. प्रियंका रेड्डीचे प्रकरण थंड होत नाही त्यातच आणखी एका काळिमा फासणारी घटना जिल्ह्यात घडली. एका नराधम बापानेच स्वत:च्या १६ वर्षीय मुलीवर सतत २ महिने बलात्कार केल्याचा प्रकार उघडकीस आला आहे. याप्रकरणी अंढेरा पोलिसांनी नराधाम बापाला अटक केली आहे.
स्वत:च्या मुलीवर अत्याचार करणाऱ्या नराधम बापास अटक
पीडित १६ वर्षीय मुलगी सोमवार २ नोव्हेंबरला तिच्या घराबाहेर पळून चिखली शहरात आली. तिला रडताना पाहून काही स्थानिक लोकांनी तिची चौकशी करून तिला तिच्या घरी नेण्यात आले. घरातून पळून जाण्याच्या कारणावरून तिच्या आत्याने तिला मारहाण केली. पळून जाण्याचे कारण विचारले असता पीडित मुलीने वडिलांकडून सतत २ महिन्यांपासून होत असलेल्या अत्याचाराबाबत सांगितले. सदर प्रकार ऐकून सर्वांनाच मोठा धक्का बसला आणि तिला तत्काळ पोलीस ठाण्यात नेण्यात आले.