अमरावती - तिवसा तालुक्यातील जावरा येथे अप्पर वर्धा धरणाचा लघु कालवा फुटल्याने परिसरातील शेतांमध्ये पाणी शिरले आहे. पिकांना पाण्याची गरज नसताना शेतात पाणी साचल्याने शेतकऱ्यांचे प्रचंड नुकसान झाले आहे. दरम्यान, शासनाने नूकसान भरपाई देण्याची मागणी शेतकरी करत आहेत.
अप्पर वर्धा धरणाचा लघु कालवा फुटल्याने परिसरातील शेतांमध्ये शिरले पाणी हेही वाचा -उजनी धरणाजवळ आढळली सात फूट लांबीची मगर, परिसरात खळबळ
कालवा परिसरातील शेतकरी गुणवंत धर्माळे यांच्या चार एकर शेतात तुरीची लागवड करण्यात आली आहे. मात्र, शेतालगतचा कालवा फुटल्याने त्यांच्या शेतात पाणी शिरून शेताला तलावाचे स्वरुप प्राप्त झाले आहे. गुणवंत धर्माळे हे अमरावती जिल्ह्यातील प्रगतशील शेतकरी आहेत. त्यांच्या शेताप्रमाणे इतर शेतांमध्येही पाणी शिरल्याने शेतकरी संकटात सापडले आहेत.
