जागतिक परिचारिका दिनीच आंदोलनाचा पवित्रा; १० कंत्राटी आरोग्य सेवक ताब्यात
साईबाबा संस्थानाकडून सध्य स्थितीत कोरोनाग्रस्तांसाठी कोविड सेंटर सुरू करण्यात आले आहे. कोरोनाच्या काळात संस्थानाच्या दोन्ही रुग्णालयात कंत्राटी आणि संस्थानाकडून कंत्राटी म्हणून नेमलेले एकूण १९० परिचारक आणि परिचारिका आरोग्य सेवेचे काम करत आहेत. मात्र या कामगारांना संस्थानकडून देण्यात येणाऱ्या सुविधा आणि वेतन तटपुंजे असल्याची तक्रार या कर्मचाऱ्यांनी केली आहे.
जागतिक परिचारिका दिनीच आंदोलनाचा पवित्रा
शिर्डी- साईबाबा संस्थानाच्या वतीने चालविण्यात येणाऱ्या साईनाथ आणि साईबाबा रुग्णालयातील कंत्राटी परिचारिकांनी आज जागतिक परिचारिका दिनीच आंदोलनाचे हत्यार उपसले. सुमारे 190 कामगारांना कायम कर्मचाऱ्यांप्रमाणे किमान 45 हजार रुपये वेतनश्रेणी द्यावे. तसेच समान काम समान वेतन मिळावे, ही मागणी करत त्यांनी कामबंद आंदोलन सुरू केले. याप्रकरणी १० रुग्ण सेवकांना पोलिसांनी ताब्यात घेतले आहे.
Last Updated :May 12, 2021, 1:36 PM IST