टोकियो - भालाफेकपटू सुमित अंतिल याने टोकियो पॅराऑलिम्पिकमध्ये भारताला सुवर्ण पदक जिंकून दिले. त्याने पुरूष एफ 64 गटात ही सुवर्ण किमया साधली. टोकियो पॅराऑलिम्पिकमध्ये भारताचे हे दुसरे सुवर्ण पदक ठरले. याआधी महिला नेमबाज अवनी लेखराने सुवर्ण पदक जिंकले आहे.
सुमित अंतिल याने पुरुषांच्या F64 भालाफेक गटात पहिल्याच प्रयत्नात 66.95 मीटर लांब भाला फेकत विश्वविक्रम नोंदवला. दुसऱ्या प्रयत्नात त्याने आणखी लांब भाला फेकताना 68.8 मीटरसह नवा विश्वविक्रम आपल्या नावावर केला.
तिसऱ्या प्रयत्नात सुमित अंतिल याने 65.27 मीटर लांब भालाफेक फेकला. पण इतर स्पर्धकांच्या तुलनेत त्याने याही फेरीत चांगली कामगिरी करून दाखवली. पाचव्या प्रयत्नात त्याने पुन्हा 68.55 मीटर लांब भाला फेकत पुन्हा स्वतःचाच विश्वविक्रम मोडला. या कामगिरीसह त्याने सुवर्णपदक आपल्या नावे केला.
याआधी, टोकियो पॅराऑलिम्पिकमध्ये भारताचा स्टार भालाफेकपटू देवेंद्र झाझरिया याने आज सकाळी रौप्य पदक जिंकले. तर दुसरा भालाफेकपटू सुंदर सिंह गुर्जर याने कास्य पदक जिंकले आहे.