काबुल -अफगानिस्तान क्रिकेट बोर्डाचे कार्यकारी चेअरमन अजिजुल्लाह फजली यांनी सांगितलं की, देशातील महिला कशा पद्धतीने क्रिकेट खेळू शकतील, याबद्दल लवकरच भूमिका स्पष्ठ करण्यात येईल. दरम्यान, अफगाणिस्तानमध्ये महिलांना क्रिकेटसह अनेक खेळ खेळण्यास बंदी घालण्यात आली आहे. तसेच महिला संघातील खेळाडूंनी देश सोडल्याचे देखील वृत्त आहे. या वृत्तावर फजली यांनी सर्व खेळाडू अफगाणिस्तानमध्येच असल्याचे सांगितलं आहे.
अजिजुल्लाह फजली यांनी एसबीएस रेडियोशी बोलताना सांगितलं की, आम्ही महिला कशापद्धतीने क्रिकेट खेळू शकतील, याविषयीची भूमिका लवकरच स्पष्ट करणार आहोत. महिलांना आम्ही क्रिकेट खेळण्यासाठी परवानगी देणार आहोत. याविषयी लवकरच आम्ही चांगली बातमी देऊ.
फजली यांनी सांगितलं की, महिला क्रिकेटर आपल्या घरी सुरक्षित आहेत. ते म्हणाले की, महिला क्रिकेट संघाच्या प्रसिक्षक डियाना बाराकजयी आणि खेळाडू सुरक्षित आहेत. ते आपापल्या घरी आहेत. काहींनी त्या खेळाडूंनी देश सोडल्याचे सांगितलं पण त्यांनी देश सोडलेला नाही.