मुंबई -बॉलिवूड अभिनेता आयुष शर्मा आणि त्याची पत्नी अर्पिता खान दोघेही पुन्हा एकदा आई - बाबा होणार आहेत. 'आयफा अवार्ड्स २०१९' या सोहळ्यात त्यांनी ही आनंदाची बातमी सर्वांना दिली. यानिमित्ताने सलमान खान पुन्हा एकदा मामा बनणार आहे.
आयुष आणि अर्पिताला पहिला ३ वर्षांचा मुलगा आहे. दुसऱ्यांदा आईवडील होणार असल्याने दोघेही फार आनंदी आणि उत्साही आहेत. पुन्हा एकदा बाळाच्या स्वागतासाठी आम्ही सज्ज झालो आहोत, असे आयुषने यावेळी सांगितले.
आयुष-अर्पिताने दिली 'गुडन्यूज'
२०१४ साली दोघांनी लग्नगाठ बांधली होती. २०१६ मध्ये त्यांनी त्यांच्या पहिल्या मुलाचं स्वागत केलं होतं. अहिल असं त्याचं नाव आहे. आता दोघेही दुसऱ्यांदा आई - वडील बनणार आहेत.