मुंबई- राज कुंद्राला मुंबई पोलिसांनी 19 जुलै रोजी अटक केली होती. अश्लील चित्रपटांच्या निर्मितीतील मुख्य सूत्रधार असल्याच्या आरोपाखाली त्याला अटक करण्यात आली. तेव्हापासून आतापर्यंत राज कुंद्रा पोलीस कोठडीत आहे. याचा त्रास जेवढा त्याला होतोय तितकाच त्याच्या कुटुंबालाही होतोय. शिल्पा शेट्टी देखील आजकाल बऱ्याच समस्यांशी झगडत आहे. मात्र, आता तिला फिल्म इंडस्ट्रीकडूनही भरपूर पाठिंबा मिळत आहे. आता अभिनेता आर माधवन शिल्पाच्या समर्थनार्थ आला आहे.
आर माधवनने दिला शिल्पाला पाठिंबा
अनेक बॉलिवूड सेलेब्रिटींनी शिल्पाच्या या कठीण काळात तिची साथ दिली आहे. यामध्ये अनेक अभिनेत्रीही आहेत. आता आर माधवन त्याच्या समर्थनात आला आहे. शिल्पाच्या पोस्टवर प्रतिक्रिया देताना त्याने लिहिले, ''तुम्ही बलवान आहात आणि म्हणूनच माझा विश्वास आहे की तुम्ही या आव्हानाला सन्मानाने मात कराल. आमच्या प्रार्थना तुमच्या कुटुंबासोबत आहेत.''