मुंबई- बॉलिवूडचा 'खिलाडी' म्हणजेच अक्षय कुमार सोशल मीडियाचा मास्टर आहे. सोशल प्लॅटफॉर्मवर दररोज व्यग्र राहून तो त्याच्या चाहत्यांशी संवाद साधत असतो. अक्षय बिनधास्तपणे चित्रपट करीत असतो. तसेच तो धमाल-मस्करी करण्यातही मागे राहत नाही. खरंतर अक्षय कुमारने चाहत्यांसाठी सोशल मीडियावर एक सेल्फी शेअर केला आहे. या सेल्फीमध्ये त्याच्यासोबत बॉलिवूड सीरियल किसर इमरान हाश्मी दिसत आहे. हा फोटो अक्षयच्या आगामी चित्रपटातील आहे.
अक्षय कुमारने बुधवारी त्याच्या इंस्टाग्राम अकाउंटवर एक जबरदस्त सेल्फी शेअर केला आहे. या सेल्फीमध्ये त्याच्यासोबत इमरान हाश्मीही आहे. सेल्फीमध्ये, दोन्ही स्टार्स रस्त्यावर बाईक चालवत आहेत आणि लुकवाइज देखील मस्त दिसत आहेत.या फोटोमध्ये अक्षयने गोल्डन कलरचे जॅकेट आणि डेनिम्स घातले आहे. त्याचवेळी इम्रानने फुल स्लीव्ह निळ्या टी-शर्टसह जीन्स घातली आहे.
हा सेल्फी शेअर करताना अक्षय कुमारने कॅप्शन दिले, 'मला माझ्यासाठी परफेक्ट सेल्फी पार्टनर सापडला आहे, करण जोहर, आम्ही हा सेल्फी गेम संपवला आहे की आणखी काही? अक्षयच्या या पोस्टला उत्तर देताना करण जोहरनेही आपली कॉमेंट दिली आहे.
त्याचवेळी इमरान हाश्मीने त्याच्या इंस्टाग्राम अकाउंटवर एक फोटोही शेअर केला आहे. इमरानने लिहिले की, 'अक्षय कुमारपासून प्रेरित होऊन आजची सुरुवात सेल्फीपासून झाली आहे'. अक्षय कुमार आणि इमरान हाश्मी लवकरच 'सेल्फी' चित्रपटात दिसणार आहेत, ज्याची एक झलक कलाकारांनी चाहत्यांशी शेअर केली आहे. या चित्रपटाचा निर्माता करण जोहर आहे. सेल्फी हा चित्रपट मल्याळम ड्रायव्हिंग लायसन्स चित्रपटाचा हिंदी रिमेक आहे.
'अतरंगी रे' चित्रपट प्रदर्शित झाल्यापासून अक्षय सध्या राम सेतू आणि ओएमजी २ या चित्रपटांच्या शूटिंगमध्ये व्यस्त आहे.
हेही वाचा -रश्मिका मंदान्नाने का नाकारला नाही 'मिशन मजनू', कारण वाचा
