दुबई - अभिनेत्री गायिका शहनाज गिलचे गायक गुरू रंधावासोबत चांगले संबंध असल्याचे दिसते. दिवाळीच्या पार्टीतील त्यांचे मजेदार व्हिडिओ आणि फोटो ऑनलाइन समोर आल्यानंतर काही दिवसांनी, गुरूने शहनाजसोबत नाचतानाचा एक नवीन व्हिडिओ टाकला. व्हिडिओमधील शहनाजच्या चेहऱ्यावरील आनंद पाहून चाहतेही आनंदित झाले आहेत.
क्लिपमध्ये गुरू शहनाजला त्याच्या मून राइज या गाण्यावर फिरवताना दिसत आहे. गुरुने पोस्टला कॅप्शन देताना शहनाजसोबत व्हिडिओ करत असल्याचे म्हटले आहे. गुरूसोबत थिरकताना शहनाजही लाजल्याचे दिसत आहे. हिरव्या रंगाच्या स्ट्रॅपलेस गाऊनमध्ये ती खूपच सुंदर दिसत होती. गुरु तिच्यासोबत हिरव्या रंगाच्या जाकीटमध्ये मॅच करताना दिसत आहे.
शहनाज आणि गुरुच्या व्हिडिओने त्यांच्या चाहत्यांना आश्चर्यचकित केले आहे. "व्वाआह. खूप सुंदर," अशा सोशल मीडिया युजर्सनी कमेंट्स केल्या आहेत. "शहनाज गिल आणि गुरु सर केमेस्ट्री फायर 🔥," असे एकाने लिहिलंय. दोघे सध्या एका कार्यक्रमासाठी दुबईत आहेत.