विवेक अग्निहोत्री, अनुराग कश्यप यांच्यात भडकले ट्विटर युद्ध

चित्रपट निर्माते विवेक अग्निहोत्री आणि अनुराग कश्यप यांच्यात जबरदस्त ट्विटर युध्द पाहायला मिळाले. अनुरागच्या एका ट्विटवर विवेकने प्रतिक्रिया दिल्यानंतर अनुरागने लगेच पलटवार केला. त्यानंतर चिडलेल्या विवेकने त्याच्या चित्रपटावर टीका करत काश्मीर फाईल्स कसा सत्यावर आधारित असल्याचा सांगत आव्हान दिले.

मुंबई - 'द काश्मीर फाइल्स' दिग्दर्शकाने अनुराग कश्यपच्या नुकत्याच केलेल्या विधानावर आपले मतभेद शेअर केल्यानंतर बुधवारी ट्विटरवर चित्रपट निर्माते विवेक अग्निहोत्री आणि अनुराग कश्यप यांच्यात शब्दांचे युद्ध सुरू झाले.

ट्विटरवर विवेकने अनुराग कश्यपच्या मुलाखतीचा एक स्क्रीनशॉट शेअर केला आहे ज्यामध्ये असे लिहिले आहे की, "कंतारा आणि पुष्पा सारखे चित्रपट इंडस्ट्रीला नष्ट करत आहेत: अनुराग कश्यप."

पोस्ट शेअर करताना विवेकने लिहिले की, "मी बॉलीवूडच्या एकमेव आणि एकमेव मिलॉर्डच्या मताशी पूर्णपणे असहमत आहे. तुम्ही सहमत आहात का?."

विवेकच्या ट्विटला उत्तर देताना अनुराग कश्यपने लिहिले, "सर आपकी गलती नहीं है, आप की फिल्मों की रिसर्च भी ऐसी ही होती है जैसे आपके मेरे संभाषण पे ट्विट है. आपका और आपके मीडिया का भी वही हाल है. हरकत नाही पुढच्या वेळी थोडा गंभीर संशोधन करुन या..."

विवेक अग्नीहोत्रीने अनुराग कश्यपला 'द कश्मीर फाइल्स'वरील 4 वर्षांचे संशोधन खोटे असल्याचे सिद्ध करण्यास सांगितले आणि अनुरागच्या नुकत्याच प्रदर्शित झालेल्या 'दोबारा' या चित्रपटावर अप्रत्यक्ष टीका केली.

अग्नीहोत्रीने प्रतिक्रिया दिली, "भोलेनाथ, आप लगे हाथ सबित कर ही दो की #TheKashmirFiles का 4 साल का रिसर्च सब झूठ था. गिरिजा टिकू, बीके गंजू, एअरफोर्स किलिंग, नदीमार्ग सब झूठ था. 700 पंडितों के व्हिडिओ सब झूठ थे. हिंदू कभी मरे ही नहीं. आप प्रूव्ह कर दो, दोबारा ऐसी गलती नहीं होगी."

ट्विटर युद्धाने सोशल मीडियाचे दोन भाग केले आहेत. काही चाहते विवेकच्या समर्थनात आले, तर काही अनुराग कश्यपसोबत उभे आहेत.

दरम्यान, विवेकने आता त्याचा आगामी चित्रपट 'द व्हॅक्सिन वॉर' ची शूटिंग सुरू केली आहे, जो 2023 च्या स्वातंत्र्य दिनानिमित्त थिएटरमध्ये प्रदर्शित होण्यासाठी सज्ज आहे.

दुसरीकडे, अनुरागने अलीकडेच सस्पेन्स थ्रिलर चित्रपट 'दोबारा' दिग्दर्शित केला ज्यामध्ये तापसी पन्नू आणि पावेल गुलाटी मुख्य भूमिकेत होते परंतु हा चित्रपट बॉक्स ऑफिसवर प्रेक्षकांना प्रभावित करण्यात अपयशी ठरले.

हेही वाचा -रंगोलीवर अॅसिड हल्ल्यानंतर झाल्या होत्या ५२ शस्त्रक्रिया, कंगनाने सांगितला भयानक अनुभव