मुंबई - अभिनेत्री शोभिता धुलिपाला डिस्ने+ हॉटस्टारवर प्रसारित होणाऱ्या द नाईट मॅनेजर भाग -२ च्या प्रमोशनमध्ये गुंतली आहे. एका प्रमोशनल मुलाखतीदरम्यान, शोभिताने तिचा कथित प्रियकर नागा चैतन्य आणि त्याची माजी पत्नी समंथा रुथ प्रभू यांच्याबद्दलचे तिचे मत देखील शेअर केले. पोन्नियिन सेल्वन स्टार शोभिता धुलिपालाने असे गुण सांगितले जे तिला परक्या जोडप्यात सर्वात जास्त आवडतात.
शोभिता आणि नागा चैतन्यचा रोमान्स यापुढे त्यांच्या लंडन हॉलिडेच्या व्हायरल झालेल्या फोटोंमुळे जगासमोर आला आहे. या फोटोंनी मार्चमध्ये इंटरनेटवर धुमाकूळ घातला होता. लव्हबर्ड्सने नात्यात असण्याला नाकारले किंवा स्वीकारलेही नाही, तर शोभिताने नुकतेच एका मुलाखतीदरम्यान नागा चैतन्यबद्दल सांगितले. तिने नागा चैतन्यची माजी पत्नी सामंथाबद्दलही गौरवउद्गार काढले. सामंथाने यशोदा चित्रपटात केलेल्या भूमिकेचे तिने कैौतुक केले.
शोभिताने द नाईट मॅनेजर भाग -II प्रमोशनल स्पीचमध्ये नागा चैतन्यवर कौतुकाचा वर्षाव केला. त्याची सर्वात आवडणारी गोष्ट म्हणजे त्याचा स्वभाव असल्याचे तिने म्हटलंय. शोभिता आणि नागा चैतन्यचा कथित रोमान्सच्या गोष्टी सामंथापासून विभक्त झाल्यानंतर ठळकपणे चर्चेत आल्या आहेत. शोभिताला होम ब्रेकर म्हणून म्हटले गाले. नागा चैतन्य आणि सामंथाच्या सुखी संसारात मीठीचा खडा शोभितानेच टाकल्याचा आरोप चाहत्यांनी केला होता.
विशेष म्हणजे शोभिताने एकदा सांगितले होते की ती कधीही नागा चैतन्यला डेट करणार नाही. नंतर मात्र तिने तिचा विचार बदलला आहे असे दिसते. नागा चैतन्यशी डेटिंग करत असल्याचे न बोलताही शोभिताच्या भूमिकेतून दिसून येते.