मुंबई - Singham Again Shoot Pics Viral : दिग्दर्शक रोहित शेट्टीचा आगामी चित्रपट 'सिंघम अगेन' स्टारकास्टमुळं चर्चेत आहे. या चित्रपटात अजय देवगण, दीपिका पदुकोण , रणवीर सिंग, करीना कपूरसह अनेक स्टार्स महत्त्वाच्या भूमिकेत दिसणार आहेत. दरम्यान चित्रपटाच्या सेटवरून फोटो लीक झाले आहेत. व्हायरल झालेल्या फोटोंमध्ये करीना कपूर, रोहित शेट्टी, टायगर श्रॉफ, अर्जुन कपूर दिसत आहेत. मिळालेल्या माहितीनुसार बेबो या चित्रपटात अजय देवगणच्या लेडी लव्हच्या भूमिकेत दिसेल. चित्रपटाच्या सेटवरून अर्जुन कपूरचा लूकही लीक झाला आहे.
'सिंघम अगेन'मधील अर्जुन कपूरचा फोटो व्हायरल : व्हायरल फोटोमध्ये अर्जुननं काळ्या रंगाचा शर्ट घातलेला. या चित्रपटात तो खलनायकाच्या भूमिकेत दिसणार आहे. या भूमिकेसाठी त्यानं वजन वाढवले आहे असं म्हटलं जात होतं, मात्र निर्मात्यांनी हे वृत्त फेटाळून लावले आहे. आता या चित्रपटात अर्जुन कॅमिओ करताना दिसणार असल्याचं म्हटलं जात आहे. काही दिवसांपूर्वीच रोहितनं या अफवेला दुजोरा दिला आहे. या चित्रपटाच्या शूटिंगदरम्यानचा टायगरचा लूक सोशल मीडियावर लीक झाला होता. लिक झालेल्या सीनमध्ये सिंघम नसताना अर्जुन कपूर करीनाला मारायला येतो, पण टायगर श्रॉफ येतो आणि तिला वाचवतो. याशिवाय आणखी 'सिंघम अगेन'मधील एक फोटो व्हायरल झाला होता. या फोटोमध्ये दीपिका, अक्षय कुमार, करीना कपूर, हृतिक रोशन, अनिल कपूर, करण ग्रोव्हर यांच्यासह अनेक कलाकार सिंघमची सिग्नेचर स्टाइल करताना दिसत होते. हे नक्कीच 'सिंघम अगेन'चं टायटल सॉन्ग असणार असा अंदाजा लावण्यात आला.