मुंबई - Singham Again : रोहित शेट्टीचा कॉप युनिव्हर्सचा आगामी चित्रपट 'सिंघम अगेन' सध्या प्रचंड चर्चेत आहे. एकामागून एक या चित्रपटाबद्दल अपडेट्स येत आहेत. या चित्रपटामधील काही पात्रांचे नाव आणि फर्स्ट लूक समोर आले आहेत. अलीकडेच दीपिका पदुकोण, टायगर श्रॉफ आणि रणवीर सिंग यांचे फर्स्ट लूक समोर आले होते. दरम्यान आता 'सिंघम 3'मधील अभिनेता अक्षय कुमारचा फर्स्ट लूक समोर आला आहे, जो खूप दमदार आहे. अक्षय कुमारनं इंस्टाग्राम अकाऊंटवर 'सिंघम 3'मधील त्याच्या व्यक्तिरेखेची पहिली झलक शेअर केली आहे. या फोटोमध्ये अक्षय हा अ‍ॅक्शनमोडमध्ये दिसत आहे. तो हेलिकॉप्टरमधून उडी मारत आहे.
अक्षय कुमारचा फर्स्ट लूक समोर :अक्षयच्या दोन्ही हातात बंदुक दिसत आहे, ज्यातून तो गोळ्या मारताना दिसत आहे. अक्षयनं फोटोच्या कॅप्शनमध्ये लिहल, 'आयला रे आला सूर्यवंशी आला. एटीएस प्रमुख सूर्यवंशीची ही वेळ आहे, तुम्ही तयार आहात का?'. अक्षयचा हा लूक खूप जोरदार आहे. लूकसोबतच त्याच्या 'सिंघम अगेन'मधील व्यक्तिरेखेचं नावही समोर आले आहे. यावेळी चित्रपटात त्याचं नाव वीर सूर्यवंशी असणार आहे. हा चित्रपट मल्टीस्टारर चित्रपट आहे. या चित्रपटाकडून खूप अपेक्षा रोहित शेट्टीला आहे. अक्षयनं शेअर केलेल्या पोस्टवर अनेकजण कमेंट करून त्याचे कौतुक करत आहेत. एका चाहत्यानं पोस्टवर कमेंट करत लिहलं, 'हा चित्रपट मी नक्की पाहणार आहे' दुसऱ्या एका चाहत्यानं लिहलं, 'या चित्रपटाची मी वाट खूप आतुरतेनं पाहत आहेत' आणखी एकानं लिहलं, 'हा चित्रपट खूप दमदार असणार आहे.'