नवी दिल्ली एनएसई फोन टॅपिंग प्रकरणातील NSE phone tapping case आरोपी आणि मुंबई पोलिसांचे माजी आयुक्त संजय पांडे Former Mumbai Police Commissioner Sanjay Pandey यांनी दिल्ली उच्च न्यायालयात जामीन अर्ज दाखल केला Sanjay Pandey files bail plea in Delhi High Court आहे. संजय पांडे यांच्या जामीन याचिकेवर हायकोर्ट १६ ऑगस्टला सुनावणी करणार आहे. ट्रायल कोर्टाने जामीन अर्ज फेटाळल्यानंतर संजय पांडे यांनी दिल्ली उच्च न्यायालयात धाव घेतली आहे. एनएसई फोन टॅपिंग प्रकरणातील आरोपी मुंबईचे माजी पोलीस आयुक्त संजय पांडे यांचा जामीन अर्ज राऊस एव्हेन्यू न्यायालयाने 4 ऑगस्ट रोजी फेटाळला आहे.
विशेष न्यायाधीश सुनैना शर्मा यांनी जामीन फेटाळण्याचे आदेश दिले. संजय पांडे सध्या न्यायालयीन कोठडीत आहे. 2 ऑगस्ट रोजी न्यायालयाने संजय पांडेला 16 ऑगस्टपर्यंत न्यायालयीन कोठडीत पाठवण्याचे आदेश दिले होते. या प्रकरणी ईडीने संजय पांडे आणि रवी नारायण यांच्यावर मनी लाँड्रिंग अंतर्गत गुन्हा दाखल केला होता. याप्रकरणी सीबीआयही तपास करत आहे.