लखनऊMurder in Union Ministers House : राजधानी लखनौमधील दुबग्गा येथे केंद्रीय राज्यमंत्री कौशल किशोर यांचा मुलगा विकास किशोर याच्या घरी त्याचा मित्र विनय श्रीवास्तवची हत्या करण्यात आली होती. विनय श्रीवास्तवच्या डोक्यात गोळी लागली होती. त्याच ठिकाणाहून मंत्र्यांचा मुलगा विकास किशोरचं परवाना असलेलं पिस्तूल जप्त करण्यात आलं आहे. या घटनेपासून विनय श्रीवास्तवच्या घरी दु:खाचा डोंगर कोसळला आहे. (Murder in union ministers house in India)
विकास किशोरवर गंभीर आरोप :विनय श्रीवास्तवच्या घराशेजारी राहणाऱ्या एका महिलेनंही विकास किशोरवर गंभीर आरोप केले आहेत. या संपूर्ण घटनेमागे विकास किशोर जबाबदार असल्याचा आरोप महिलेनं केला आहे. पोलिसांनी या संपूर्ण प्रकरणाचा गांभीर्यानं तपास करावा. या संपूर्ण घटनेची निष्पक्ष चौकशी करण्याची मागणी या महिलेनं उत्तर प्रदेशचे मुख्यमंत्री योगी आदित्यनाथ यांच्याकडं केली आहे. महिलेनं सांगितलं की, विकास किशोरची विनय श्रीवास्तवशी चांगली मैत्री होती. मात्र, तो आतापर्यंत त्याला भेटायला का आला नाही? विकास किशोर पिस्तुल सोडून घरी का गेला, असा प्रश्न महिलेनं उपस्थित केला आहे. या संपूर्ण घटनेमागं कारस्थान असल्याचं महिलेनं म्हटलं आहे. (Vikash Kishore)