नवी दिल्ली: 'आयफोन 14' ( iPhone 14 ) चे जागतिक लॉन्चिंगच्या काही आठवड्यांतच भारतात उत्पादन सुरू ( iPhone 14 Manufacturing India ) होणे, देशातील अ‍ॅपलच्या उत्पादन क्षमतांची परिपक्वता दर्शवते. मूडीज इन्व्हेस्टर सर्व्हिसने ( Moodys Investor Service ) ही माहिती दिली. मूडीजचे वरिष्ठ उपाध्यक्ष (कॉर्पोरेट फायनान्स ग्रुप) राज जोशी ( Moodys Senior Vice President Raj Joshi ) म्हणाले की, स्थानिक पातळीवर उत्पादित आयफोन्सच्या संख्येत वाढ झाल्याने अ‍ॅपलच्या भारतातील विस्तार धोरणालाही गती मिळेल.
जोशी म्हणाले, "भारतात 'iPhone 14' उत्पादने तयार करण्याच्या अ‍ॅपलच्या योजना अतिशय सकारात्मक आहेत. कारण ते त्याच्या उत्पादन बेसमध्ये विविधता आणेल, जे सध्या प्रामुख्याने चीनमध्ये केंद्रित आहे," जोशी म्हणाले. मूडीजने म्हटले आहे की स्मार्टफोन मार्केटचा मोठा आकार आणि 5G नेटवर्क लाँच केल्यामुळे मजबूत वाढीची क्षमता पाहता भारताचे स्मार्टफोन मार्केट देखील "अ‍ॅपलसाठी एक आकर्षक दीर्घकालीन बाजारपेठ" आहे.