न्यूयार्क -कोलंबिया विद्यापीठाने यावर्षीच्या पुलित्झर पारितोषिकांची घोषणा केली आहे. भारतीय वंशाच्या पत्रकार मेघा राजागोपालन यांना पुलित्झर पुरस्काराने सन्मानित करण्यात आले आहे. मेघा राजगोपालन, ऐलिसन किलिंग, क्रिस्टो बुशेक या तीघांना आंतरराष्ट्रीय रिपोर्टिंगमध्ये हा पुरस्कार प्रदान करण्यात आला आहे. मेघा राजागोपालन यांनी चीनचा खरा चेहरा जगासमोर उघड केला होता. चीनने आपल्या शिनजियांग प्रांतातील शिबिरांमध्ये लाखो उईगर मुस्लिमांना कैद करून ठेवल्याचे वृत्ताकंन राजगोपालन यांनी केले होते. पत्रकारितेच्या क्षेत्रात देण्यात येणारा हा अमेरिकेचा सर्वोत्कृष्ट पुरस्कार आहे.
2017 मध्ये, चीनने शिनजियांग प्रांतात कोट्यवधी मुस्लिमांना ताब्यात घेतले. तेव्हा आंतरराष्ट्रीय शिबिराला भेट देणाऱ्या राजगोपालन पहिल्या पत्रकार होत्या. मुस्लिमांना ताब्यात ठेवल्याचे चीनने नाकारले होते. यानंतर चीनने हे प्रकरण दाबण्याचा प्रयत्न केला. व्हिसा रद्द करत मेघा यांना चीनने हद्दपार केले होते.
नील बेदी यांनाही पुरस्कार -
बजफीड न्यूज या इंटरनेट मीडियाच्या दोन पत्रकारांना पुलित्झर पुरस्कार देण्यात आला आहे. टेंपा बे टाईम्समध्ये कॅथलीन मैकग्रॉरी आणि नील बेदी यांना शोध पत्रकारितेसाठी पुलित्झर पुरस्कार देण्यात आला आहे. त्यांनी मुलांच्या तस्करीविषयी शोध वृत्तांकन केले होते.