मुंबई :भारत आणि ऑस्ट्रेलिया यांच्यातील वनडे मालिकेतील पहिल्या सामन्यात भारताने ऑस्ट्रेलियाविरुद्ध ५ विकेट्सने विजय मिळवला आहे. केएल राहुलच्या दमदार खेळीने भारताला विजय मिळवून दिली आहे. वनडे मालिकेतील पहिला सामना जिंकल्यानंतर भारताने मालिकेत 1-0 अशी आघाडी घेतली आहे. सामन्यात नाणेफेक हारल्यानंतर प्रथम फलंदाजी करताना ऑस्ट्रेलियन संघ 35.4 षटकात 188 धावांवर बाद झाला. वेगवान गोलंदाज मोहम्मद सिराज आणि मोहम्मद शमीने 3-3 बळी घेतले. यानंतर भारतीय संघाने 39.5 षटकांत 5 गडी गमावून 191 धावा करत सामना जिंकला.
केएल राहुलने 91 चेंडूत 75 धावा :मुंबईतील वानखेडे स्टेडियमवर आज भारत विरुद्ध ऑस्ट्रेलिया सामना खेळला जात आहे. या सामन्यात भारताने ऑस्ट्रेलियाने दिलेले 189 धावांचे आव्हान 39.5 षटकात 5 गडी राखून पूर्ण केले. सामना भारताच्या हातातून निसटत असल्याचे दिसत असताना केएल राहुल आणि रवींद्र जडेजा यांनी भागीदारी करून भारताला विजयापर्यंत नेले. या सामन्यात केएल राहुलने 91 चेंडूत 75 धावा केल्या. रवींद्र जडेजाने 69 चेंडूत 45 धावा केल्या.