नवी दिल्ली: फेब्रुवारी महिन्यात तंत्रज्ञान उद्योगातील 17,400 हून अधिक कर्मचाऱ्यांनी जागतिक स्तरावर आपल्या नोकऱ्या गमावल्या आहेत. भारतातही अनेक कर्मचाऱ्यांना कामावरून काढून टाकण्यात आले आहे. 2023 मध्ये आतापर्यंत जगभरातील सुमारे 340 कंपन्यांनी 1.10 लाखांहून अधिक कर्मचाऱ्यांना कामावरून काढले आहे. या महिन्यात टाळेबंदी सुरू करणाऱ्या प्रमुख कंपन्यांमध्ये Yahoo, Byju's, GoDaddy, GitHub, eBay, Auto Desk, OLX Group आणि इतरांचा समावेश आहे.
जानेवारी महिन्यात 1 लाख लोकांनी त्यांच्या नोकऱ्या गमावल्या: Layoff.FYI च्या वेबसाइटनुसार, जानेवारी महिन्यात जगभरात सुमारे 1 लाख लोकांनी त्यांच्या नोकऱ्या गमावल्या आहेत. एकट्या जानेवारीमध्ये, जगभरातील 288 हून अधिक कंपन्यांनी दररोज सरासरी 3,300 पेक्षा जास्त तंत्रज्ञान कामगारांना कामावरून काढून टाकले. मंदीच्या भीतीने येत्या काही दिवसांत नोकऱ्यांमध्ये आणखी कपात होण्याची शक्यता आहे. गेल्या वर्षी नोव्हेंबरमध्ये 11,000 कर्मचार्‍यांना काढून टाकल्यानंतर, मेटा (पूर्वीचे Facebook) त्यांचे कर्मचारी आणखी कमी करण्याचा विचार करत आहे.
वर्ष 2022 मध्ये 1.5 लाखांहून अधिक टाळेबंदी: एव्हिएशन कंपनी बोईंग यावर्षी फायनान्स आणि एचआर व्हर्टिकलमध्ये 2,000 नोकऱ्या कमी करत आहे आणि कंपनी यापैकी एक तृतीयांश नोकऱ्या बेंगळुरूमधील टाटा कन्सल्टिंग सर्व्हिसेस (TCS) ला देते. 2022 मध्ये, 1,000 हून अधिक कंपन्यांनी 1,54,336 कर्मचाऱ्यांना कामावरून काढले होते. आतापर्यंत अडीच लाखांहून अधिक तंत्रज्ञान कामगारांना त्यांच्या नोकऱ्या गमवाव्या लागल्या आहेत.
अडीच लाखांहून अधिक कर्मचाऱ्यांच्या नोकऱ्या गेल्या : ट्विटरमधून कर्मचाऱ्यांना काढून टाकण्याची प्रक्रिया सुरू झालेली आहे , जाणून घ्या किती कंपन्या असे करने थांबणार? की टाळेबंदीची ही प्रक्रिया अशीच सुरू राहणार? 2023 मध्ये फक्त फेब्रुवारी महिन्यातच जगभरात 17,400 लोकांनी नोकऱ्या गमावल्या आहेत. आणि जानेवारी महिन्यात सुमारे 1 लाख लोकांना काढण्यात आले आले. 2022 सालापासून आतापर्यंतच्या टाळेबंदीबद्दल बोलाल, तर अडीच लाखांहून अधिक तंत्रज्ञान कामगारांनी आपल्या नोकऱ्या गमावल्या आहेत.
हेही वाचा : TikTok Layoff : चिनी ॲप टिकटॉकने भारतातील सर्व कर्मचाऱ्यांना दिला डिच्चू, भारतात 59 चीनी ॲप्सवर बंदी
