रामनगर :आई घरी नसल्याची संधी साधत नराधम बापाने आपल्या 11 वर्षाच्या चिमुरडीवर बलात्कार केल्याने चांगलीच खळबळ उडाली आहे. ही घटना उत्तराखंडमधील रामनगर येथे उघडकीस आल्याने रामनगर चांगलेच हादरले आहे. आईला महत्वाचे काम असल्याने तिने आपल्या बालिकेला बापाकडे सोपवले होते. मात्र दोन दिवसानंतर आई घरी परतल्यानंतर बालिकेने आपली आपबिती आईजवळ कथन केली. त्यामुळे आईच्या पायाखालची जमीनच सरकली. याप्रकरणी नराधमाच्या पत्नीने तक्रार दाखल केल्याने पोलिसांनी बलात्कारी बापाला अटक केली आहे.
नराधन बापाने फासला नात्याला काळीमा :रामनगर ग्रामीण परिसरातील एका गावातील महिला आपल्या 11 वर्षाच्या मुलीला बापाकडे सोपवून महत्वाच्या कामासाठी बाहेरगावी गेली होती. यावेळी नराधम बापाने बालिकेला मारहाण करत तिच्यावर अत्याचार केला. त्यामुळे पीडित चिमुकली प्रचंड हादरली होती. तिची आई घरी नसल्याने तिने ही बाब कोणालाही सांगितली नाही. त्यामुळे नराधमाने या बाबीचा फायदा घेत तिच्यावर अत्याचार केला.
पोलिसांनी आवळल्या आरोपीच्या मुसक्या :पीडितेची आई दोन दिवसानंतर बाहेरगावावरुन गरी आल्यानंतर बालिकेने तिच्यावर बेतलेली आपबिती कथन केली. त्यामुळे तिच्या आईला धक्काच बसला. पीडितेच्या आईने बालिका सुखरुप राहील म्हणून तिच्या वडिलांकडे तिला सोपवले होते. मात्र तिचा बापच हैवाण निघाल्याने त्याने तिच्यावर बलात्कार केला. त्यामुळे हादरलेल्या मातेने बालिकेला घेून रामनगर पोलीस ठाणे गाठले. यावेळी पोलिसांनी बालिकेच्या तक्रारीवरुन नराधम बापाविरोधात गुन्हा दाखल करत त्याच्या मुसक्या आवळल्या आहेत.