नवी दिल्ली : अंमलबजावणी संचालनालयाच्या अधिकाऱ्यांनी सांगितले की, रिअल इस्टेट कंपनी सुपरटेकचे अध्यक्ष आणि व्यवस्थापकीय संचालक आर के अरोरा यांना मंगळवारी मनी लॉन्ड्रिंग प्रकरणात अटक करण्यात आली. ईडीने मनी लॉन्ड्रिंग प्रकरणात आरके आरोरा यांची तीन दिवस चौकशी केली होती. ईडीने आरके आरोराला सन्मस देत चौकशीसाठी बोलवले होते, त्यानंतर आरोरा यांना पीएमएलए अंतर्गत अटक करण्यात आली आहे.
रिमांडची मागणी : याआधी सुपरटेक ऑफ कंपनी आणि संचालकांविरोधात दिल्ली, हरियाणा आणि उत्तर प्रदेशच्या वेगवेगळ्या पोलीस स्टेशनमध्ये फसवणुकीचे गुन्हे दाखल आहेत. यानंतर ईडीने पीएमएलएच्या अंतर्गत त्याची चौकशी सुरू केली. दरम्यान एप्रिलच्या सुरुवातीला ईडीने त्यांच्या मालमत्ता जप्त केल्या होत्या. ईडीने प्रिव्हेन्शन ऑफ मनी लॉन्ड्रिंग कायद्याच्या तरतुदींनुसार उत्तराखंड आणि उत्तर प्रदेशमधील सुपरटेक ग्रुप ऑफ कंपनी आणि त्यांच्या संचालकांच्या 40.39 कोटी रुपयांच्या 25 स्थावर मालमत्ता तात्पुरत्या जप्त केल्या होत्या. अधिकृत सूत्रांनी सांगितले की, अंमलबजावणी संचालनालय (ईडी) आरके आरोरा यांना आज बुधवारी येथील विशेष पीएमएलए न्यायालयात हजर करण्याची शक्यता आहे. येथे ईडी त्यांच्या पुढील रिमांडची मागणी करेल.