नवी दिल्ली :राजधानी दिल्लीतील शाहबाद डेअरी परिसरात तरुणीच्या हत्येप्रकरणी एकामागून एक नविन खुलासे समोर येत आहेत. आता या प्रकरणाशी संबंधित आणखी एक सीसीटीव्ही फुटेज समोर आले आहे. पोलिसांचे म्हणणे आहे की, खून करण्यापूर्वी आरोपी साहिल मुलीला भेटण्यासाठी त्याच ठिकाणी आला होता. सध्या पोलीस या प्रकरणाचा सातत्याने तपास करत आहेत.
सीसीटीव्ही फुटेजमध्ये आरोपी कैद : सीसीटीव्ही फुटेजमध्ये निळा टी-शर्ट घातलेला आरोपी साहिल दिसत आहे. ज्या ठिकाणी मुलीची हत्या करण्यात आली होती, त्या ठिकाणचा हा व्हिडिओ आहे. आजूबाजूच्या लोकांनी सांगितले की, गेल्या एक महिन्यापासून ते मुलीसह आरोपीला येथे एकत्र पाहत होता. दोघांमध्ये घट्ट मैत्री दिसून येत होती. मात्र, तेथे ना मुलीचे घर होते ना आरोपी मुलाचे घर होते, असेही शेजाऱ्यांचे म्हणणे आहे. त्यांची दोघांचीही घरं इथून खूप दूर आहेत. असे असतानाही तो अनेकदा या उद्यानात रात्री उशिरापर्यंत नागरिकांना दिसायचा असे स्थानिक रहिवाशांचे म्हणणे आहे.
आरोपीला फाशी झालीच पाहिजे : अल्पवयीन मुलाच्या पालकांनी आरोपीला खून केल्याप्रकरणी फाशी देण्याची मागणी केली आहे. आमची एकच मागणी आहे की त्याला फाशी झालीच पाहिजे. जशी माझी मुलगी मेली आहे, तशीच त्यालाही शिक्षा द्या अशी त्यांनी मागणी केली आहे. त्याचवेळी दिल्ली महिला आयोगाच्या अध्यक्षा स्वाती मालीवाल यांनी मंगळवारी १६ वर्षीय मुलीच्या घरी जात मुलीच्या पालकांची भेट घेतली.