Great player Brian Lara : महान खेळाडू ब्रायन लारा यांची सनरायझर्स हैदराबादच्या मुख्य प्रशिक्षकपदी नियुक्ती

आयपीएल संघ सनरायझर्स हैदराबादचे नवे प्रशिक्षक म्हणून ब्रायन लारा यांची नियुक्ती करण्यात आली ( Brian Lara new head coach of SRH ) आहे. त्याने टॉम मूडीची जागा घेतली आहे. मूडीजच्या नेतृत्वाखाली हैदराबाद ( Sunrisers Hyderabad ) संघाने 2022 साली अत्यंत निराशाजनक कामगिरी केली होती.

हैदराबाद: वेस्ट इंडिजचा महान खेळाडू ब्रायन लारा ( Great player Brian Lara ) याची शनिवारी 2016 च्या आयपीएल चॅम्पियन सनरायझर्स हैदराबादच्या मुख्य प्रशिक्षकपदी नियुक्ती करण्यात आली. लारा 2022 च्या आयपीएल हंगामात सनरायझर्स हैदराबाद ( Sunrisers Hyderabad ) संघाचा रणनीती सल्लागार आणि फलंदाजी प्रशिक्षक होता. लारा टॉम मूडीच्या ( SRH Ex Head Coach Tom Moody ) जागी सनरायझर्स हैदराबादचे मुख्य प्रशिक्षक म्हणून काम पाहतील. कारण मूडी यांचा कार्यकाळ संपला आहे.

कोणत्याही टी-20 संघाचा मुख्य प्रशिक्षक म्हणून लाराचा हा पहिलाच अनुभव असेल. फ्रँचायझीने सोशल मीडियावर म्हटले आहे की, "क्रिकेट लिजंड ब्रायन लारा आगामी आयपीएल हंगामासाठी आमचे मुख्य प्रशिक्षक असतील."

मूडी आणि हैदराबाद (सनराईजर्स हैदराबाद) या दोघांनीही कराराचा पाठपुरावा न करण्याचा निर्णय घेतला. टॉम मूडी यांची अलीकडेच जानेवारी 2023 पासून संयुक्त अरब अमिराती ( UAE ) आयएलटी 20 ( ILT20 ) मध्ये डेझर्ट वाइपर्ससाठी क्रिकेट संचालक म्हणून नियुक्ती करण्यात आली होती.

टॉम मूडीचा सनरायझर्स हैदराबादसोबतचा कार्यकाळ ( Tom Moody tenure with Sunrisers Hyderabad ) -

2013 ते 2019 या काळात मूडीने सनरायझर्स हैदराबादसोबत यशस्वी कार्यकाळ पार पाडला. यादरम्यान संघ पाच वेळा प्लेऑफमध्ये पोहोचला आणि 2016 मध्ये चॅम्पियन बनला. 2020 मध्ये त्याच्या जागी ऑस्ट्रेलियाच्या ट्रेव्हर बेलिस ( Trevor Bayliss ) यांनी मुख्य प्रशिक्षक म्हणून नियुक्त केले, परंतु मूडी गेल्या वर्षी संचालक म्हणून सनरायझर्समध्ये परतले. त्यानंतर त्यांची मुख्य प्रशिक्षकपदी नियुक्ती करण्यात आली. मुख्य प्रशिक्षक म्हणून मूडीचा दुसरा कार्यकाळ यशस्वी झाला नाही आणि त्याचा संघ 10 संघांमध्ये आठव्या स्थानावर राहिला.

हेही वाचा -All India Football Federation : शाजी प्रभाकरन अखिल भारतीय फुटबॉल महासंघाचे नवे सरचिटणीस म्हणून नियुक्त