पाटणा : बिहारमध्ये पुन्हा एकदा वीज कोसळून सुमारे २६ लोकांचा मृत्यू झाला आहे. वेगवेगळ्या जिल्ह्यांमध्ये वीज कोसळ्याच्या घटना समोर आल्या आहेत.
या पार्श्वभूमीवर पाटणा, बेगुसराई, खागरिया, पूर्णीया, भोजपूर, वैशाली आणि सुपौल जिल्ह्यांमध्ये सतर्कतेचा इशारा देण्यात आला आहे. हवामान विभागाने दिलेल्या सूचनेनुसार, पुढील दोन दिवस या जिल्ह्यांमध्ये पाऊस आणि मोठ्या प्रमाणात वीजा कोसळण्याची शक्यता आहे.
आज नोंद झालेल्या २६ लोकांपैकी; समष्टीपूरमध्ये सात, पाटणामध्ये सहा, मोतीहारीमध्ये चार, कटिहारमध्ये तीन, शिवाहारमध्ये दोन आणि मधेपूरामध्ये एका व्यक्तीचा मृत्यू झाला. यासोबतच, पूर्णीया आणि बेट्टियामध्ये दोन व्यक्तींच्या मृत्यूची नोंद झाली.