भाटापारा- पश्चिम बंगालच्या विधानसभा निवडणुकांची रणधुमाळी सुरू आहे. मात्र येथील प्रचारसंभाना रंग चढत असताना राजकारणाला हिंसक वळण प्राप्त झाल्याचा प्रकार समोर आला आहे. भाटापारामधील भाजपचे खासदार अर्जून सिंह यांच्या घराजवळ बॉम्बस्फोट झाल्याची घटना समोर आली आहे. या घटनेत तीन जण जखमी झाले आहेत. हे बॉम्ब हल्ले बुधवारी सायंकाळच्या सुमारास झाले आहेत.
भाजपचे खासदार अर्जून सिंह
अर्जून सिंह यांच्या घराजवळ हे बॉम्ब हल्ले झाल्याची माहिती वृत्तसंस्थेकडून देण्यात आली आहे. पोलीस आणि दंगा नियंत्रण पथकाकडून या प्रकरणाचा तपास केला जात आहे. या प्रकरणी आम्ही निवडणूक आयोगाकडे तक्रार करणार असल्याचेही भाजप खासदार सिंह यांनी सांगितले. तसेच पोलिसांनी तपास करून कारवाई करावी अशी मागणी त्यांनी केली आहे.