തിരുവനന്തപുരം: കെ-റെയില് പദ്ധതിയെ അനുകൂലിക്കുന്ന ശശി തരൂരിന്റെ പ്രസ്താവന പാര്ട്ടി അന്വേഷിക്കുമെന്ന് കെപിസിസി അധ്യക്ഷന് കെ.സുധാകരന്. പാര്ട്ടിക്കെതിരായ നിലപാട് ഗുണം ചെയ്യില്ല. പാര്ട്ടി വിരുദ്ധമായി സ്വീകരിച്ച നിലപാട് തിരുത്തിക്കുമെന്നും സുധാകരന് പറഞ്ഞു.
കെ-റെയില് പദ്ധതി നടപ്പാക്കരുതെന്ന് ആവശ്യപ്പെട്ട് യുഡിഎഫ് എംപിമാര് കേന്ദ്ര റെയില്വെ മന്ത്രിക്ക് നല്കിയ നിവേദനത്തില് കോണ്ഗ്രസ് എംപി ശശി തരൂര് ഒഴിഞ്ഞു നിന്നതോടെയാണ് വിവാദങ്ങള്ക്ക് തുടക്കമായത്.