പത്തനംതിട്ട:തിരുവല്ല ഇടിഞ്ഞില്ലത്ത് കുപ്പിയില്‍ പെട്രോള്‍ നല്‍കാതിരുന്നതിനെ തുടര്‍ന്നുണ്ടായ തർക്കത്തിനിടെ പെട്രോള്‍ പമ്പ് ജീവനക്കാരന് കുത്തേറ്റു. തിരുവല്ല വേങ്ങല്‍ സ്വദേശി അഖില്‍ രാജ് (31)നാണ് കുത്തേറ്റത്. അഖിലിനെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
കുപ്പിയില്‍ പെട്രോള്‍ നല്‍കിയില്ല; തിരുവല്ലയിൽ പമ്പ് ജീവനക്കാരന് കുത്തേറ്റു
തിരുവല്ല ഇടിഞ്ഞില്ലത്തുള്ള പമ്പിൽ രാത്രി പതിനൊന്നരയോടെയായിരുന്നു സംഭവം. ബൈക്കിലെത്തിയ രണ്ടംഗ സംഘമാണ് ആക്രമണം നടത്തിയത്. അഖിലിനെ കുത്തിയ ശേഷം രക്ഷപെടാൻ ശ്രമിച്ച പ്രതി ചക്കുളം സ്വദേശി ശ്യാമിനെ പമ്പ് ജീവനക്കാര്‍ ഓടിച്ചിട്ട് പിടികൂടി പൊലീസിലേൽപ്പിച്ചു.