ഭര്‍ത്താവ് ഭാര്യയെ വെട്ടി; കൈവിരലുകള്‍ അറ്റുപോയി, യുവതി തീവ്രപരിചരണ വിഭാഗത്തില്‍

കോട്ടയം വെട്ടികാണക്കാരി സ്വദേശി മഞ്ജുവിനെയാണ് ഭര്‍ത്താവ് പ്രദീപ് വെട്ടിയത്. യുവതിയുടെ കൈവിരലുകള്‍ അറ്റുപോയി. ചുണ്ടിനും തോളെല്ലിനും വെട്ടേറ്റിട്ടുണ്ട്

കോട്ടയം: കുടുംബ വഴക്കിനെ തുടര്‍ന്ന് കോട്ടയത്ത് ഭര്‍ത്താവ് ഭാര്യയെ വെട്ടി പരിക്കേല്‍പ്പിച്ചു. വെട്ടികാണക്കാരി സ്വദേശി മഞ്ജുവിനാണ് ഭർത്താവ് പ്രദീപിന്‍റെ ആക്രമണത്തില്‍ പരിക്കേറ്റത്. മഞ്ജുവിന്‍റെ വലതു കൈയിലെ മൂന്ന് വിരലുകള്‍ അറ്റുപോയി.

ഇടത് കൈത്തണ്ടക്കും ചുണ്ടിനും തോളെല്ലിനും വെട്ടേറ്റിട്ടുണ്ട്. മഞ്ജുവിനെ കോട്ടയം മെഡിക്കൽ കോളജ് ഐസിയുവിൽ പ്രവേശിപ്പിച്ചു. അറ്റു പോയ വിരലുകള്‍ തുന്നിച്ചേര്‍ക്കാനുള്ള ശസ്‌ത്രക്രിയ നടത്താനുള്ള ശ്രമത്തിലാണ് ഡോക്‌ടര്‍മാര്‍.