കൊല്ലം: ഭർത്യവീട്ടിൽ തൂങ്ങി മരിച്ച വിസ്മയുടെ മരണത്തിൽ അന്വേഷണം ഊർജിതമാക്കണമെന്നാവശ്യപ്പെട്ട് മുഖ്യമന്ത്രിക്ക് കത്ത് നൽകുമെന്ന് മുൻ പ്രതിപക്ഷ നേതാവ് രമേഷ് ചെന്നിത്തല. മരണപ്പെട്ട വിസ്മയയുടെ നിലമേലിലെ വീട്ടിലെത്തിയ ചെന്നിത്തല ബന്ധുക്കളെ ആശ്വസിപ്പിച്ചു.
വിസ്മയയുടെ മരണം; അന്വേഷണം ഊർജിതമാക്കണമെന്ന് ചെന്നിത്തല
വിസ്മയയുടെ മരണം കേരള മനഃസാക്ഷിയെ ഞെട്ടിപ്പിക്കുന്നതാണെന്ന് ചെന്നിത്തല പറഞ്ഞു. കേരളത്തിൽ ഒരച്ഛനും അമ്മയ്ക്കും ഈ അവസ്ഥ ഇനി ഉണ്ടാകരുത്. സ്ത്രീധനം കൊടുക്കാതിരിക്കുകയും വാങ്ങാതിരിക്കുകയും ചെയ്യുക. നിയമം കൊണ്ട് മാത്രം ഇതൊന്നും ഇല്ലാതാകുന്നില്ല എന്നും ചെന്നിത്തല പറഞ്ഞു.