ന്യൂഡൽഹി:വ്യക്തികളുടെ 2021-2022 വർഷത്തിലെ ആദായ നികുതി റിട്ടേൺ സമർപ്പിക്കുന്നതിനുള്ള തീയതി സെൻട്രൽ ബോർഡ് ഓഫ് ഡയറക്‌ട് ടാക്‌സസ്(സി.ബി.ഡി.ടി) വീണ്ടും നീട്ടി. ഡിസംബർ 30 വരെയാണ് സമയപരിധി നീട്ടിയത്.
കൊവിഡ് മഹാ മാരിയുടെയും നിയന്ത്രണങ്ങളുടെയും പശ്ചാത്തലത്തിൽ നികുതിദായകർ നേരിടുന്ന ബുദ്ധിമുട്ടുകൾ പരിഗണിച്ചാണ് ആദായനികുതി റിട്ടേണുകൾ, വിവിധ ഓഡിറ്റ് റിപ്പോർട്ടുകൾ എന്നിവ സമർപ്പിക്കാനുള്ള തീയതി നീട്ടാൻ സി.ബി.ഡി.ടി തീരുമാനിച്ചത്. നേരത്തെ ആദായ നികുതി റിട്ടേൺ സമർപ്പിക്കാനുള്ള തീയതി സെപ്റ്റംബർ 30 വരെ നീട്ടിയിരുന്നു. ഇതാണ് വീണ്ടും ദീർഘിപ്പിച്ചത്. 2020-21 ലെ ഓഡിറ്റ് റിപ്പോർട്ട് സമർപ്പിക്കേണ്ട തീയതിയും 2022 ജനുവരി 15 വരെ നീട്ടിയിട്ടുണ്ട്.