ന്യൂഡൽഹി:രാജ്യത്ത് 24 മണിക്കൂറിനിടെ റിപ്പോർട്ട് ചെയ്‌തത് 5,880 പുതിയ കൊറോണ വൈറസ് കേസുകൾ. കേന്ദ്ര ആരോഗ്യ മന്ത്രാലയം തിങ്കളാഴ്‌ച പുറത്തുവിട്ട കണക്കുകൾ പ്രകാരം സജീവ കേസുകൾ 35,199 ആയി ഉയർന്നിട്ടുണ്ട്. 14 മരണങ്ങളോടെ ആകെ മരണസംഖ്യ 5,30,979 ൽ എത്തി.
ഡൽഹി, ഹിമാചൽ പ്രദേശ് എന്നിവിടങ്ങളിൽ നിന്ന് നാല് മരണങ്ങൾ വീതവും ഗുജറാത്ത്, ജമ്മു കശ്‌മീർ, മഹാരാഷ്ട്ര, രാജസ്ഥാൻ എന്നിവിടങ്ങളിൽ നിന്ന് ഒന്ന് വീതവും കേരളത്തിൽ നിന്ന് 2 മരണങ്ങളുമാണ് റിപ്പോർട്ട് ചെയ്‌തത്. അതേ സമയം പ്രതിദിന പോസിറ്റിവിറ്റി നിരക്ക് 6.91 ശതമാനവും പ്രതിവാര പോസിറ്റിവിറ്റി നിരക്ക് 3.67 ശതമാനവുമാണ്.